با لیقیں حلقۂ انوار میں آ جاتے ہیں

با لیقیں حلقۂ انوار میں آ جاتے ہیں

جو بھی سرکار کے دربار میں آ جاتے ہیں

ہو جسے شہر مدینہ کی میسر نسبت

مشک و چمبیلی بھی اس خار میں ا جاتے ہیں

یہ تو پھر دل ہے حرا ثور امر ہوتے ہیں

شہِ ابرار اگر غار میں آ جاتے ہیں

میرا ایمان ہے واللہ زمانے سب ہی

شہ ابرار کے ادوار میں آ جاتے ہیں

مدحت شاہ میں الفاظ جھکائے سر کو

حالتِ سجدہ میں اشعار میں آ جاتے ہیں

ہے سند الفتِ سرکار کی یہ ہم جیسے

قریۂ مدحتِ سرکار میں آ جاتے ہیں

امت عیسیٰ و موسٰی بھی ہے ان کے لیکن

امتی پردۂ ستار میں آ جاتے ہیں

یہ وہ در ہے کہ ملائک بھی اٹھائے کاسہ

حضرتِ والا کے دربار میں آ جاتے ہیں

مدحتِ شاہِ دو عالم کے لیئے بیٹھے تو

پھول فیضان کی گفتار میں آ جاتے ہیں